Xalq Banki

8 800 200-00-55

Respublika boyicha qongiroqlar bepul

Onlayn yordamchi
RSS

O’zbekiston bank tizimining 2011 yil I choragi uchun faoliyatining yakunlari ko’rib chiqilgan

20 Mart 2012

O’zbekiston Respublikasining Markaziy Bankida Markaziy bank Boshqaruvining kengaytirilgan yig’ilishi bo’lib o’tdi, undabank tizimining 2011 yil I choragi uchun faoliyati yakunlari hamda Davlatimiz Prezidenti I. Karimov tomonidan joriy yil 15 aprel kuni respublika hukumatining yig’ilishida bank tizimi oldiga qo’yilgan ustuvor vazifalarning ijro etilishi ko’rib chiqilgan.

Yig’ilishni O’zbekiston Respublikasining Markaziy Banki Raisi F. Mullajanov olib bordi.

Markaziy bankning pul-kredit siyosati hisobot davrida 2011 yil uchun makroiqtisodiy prognoz ko’rsatkichlariga so’zsiz erishish, O’zbekiston Respublikasi Prezidentining «2011–2015 yillarda Respublikamizning bank-moliya tizimini keyingi islohot etish va barqarorligini oshirish hamda yuqori xalqaro reyting ko’rsatkichlariga erishishning ustuvor yo’nalishlari to’g’risida», «O’zbekiston iqtisodiyotida islohotlarni chuqurlashtirish va kengaytirish, davlatda ishbilarmonlik iqlimini shakllantirish yuzasidan mezonlar va baholar tizimini aniqlash va amalga oshirish bo’yicha 2011–2015 yillar uchun choralar dasturi to’g’risida» Qarorlarining talablarini, shuningdek 2009–2012 yillar uchun Tanazzulga qarshi dastur bilan belgilangan choralarni amalga oshirishga qaratilganligi qayd etilgan.

Hisobot davrida bank tizimining likvidligini yanada mustahkamlash va uning barqarorligini kuchaytirish yuzasidan katta ishlar amalga oshirilgan.

Amalga oshirilgan choralar natijasida joriy yilning I choragida tijorat banklarining jami kapitali o’tgan yilning ushbu davriga nisbatan 1,4 baravar ortib, 4 trln. 528 mlrd. so’mdan ortiq mablag’larni tashkil etgan.

Banklarning jami kapitali (mlrd.so’mlarda) 2010 yil 1 aprel 2011 yil 1 aprel

Tijorat banklarining kapitallashuvini yanada oshirish bo’yicha ko’rilgan choralar natijasida, banklar kapitalining adekvatligini xalqaro standartlarga muvofiqlashtirish yuzasidan talablar ta’minlangan.

Banklarning jami aktivlari o’tgan yilning ushbu davriga nisbatan 33,5 yoizga ko’paygan va 22 trln. 925 mlrd. so’mdan ortiq mablag’larni tashkil qilgan.

Banklarning jami aktivlari (mlrd.so’mlarda) 2010 yil 1 aprel 2011 yil 1 aprel

Yuqori xalqaro reyting ko’rsatkichlariga erishish yuzasidan amalga oshirilgan choralar natijasida, aktivlari davlat bank tizimining jami aktivlarining 90 % dan ortiq qismini o’z ichiga olgan respublikamizing 15 ta tijorat banki «Fitch ratings», «Moody’s» va «Standard & Poor"s» kabi xalqaro reyting agentliklaridan «barqaror» darajasida rivojlanish istiqbolini baholashiga sazovor bo’lgan.

Banklarning kredit-investitsion faoliyatida ham ijobiy o’zgarishlar yuz berdi.

Hisobot davrining birinchi choragida iqtisodiyotning real sohasiga yo’naltirilgan kreditlarning umumiy hajmi 36 foizga ko’paydi, va bugungi kunda ularning hajmi 12 trln. 986 mlrd. so’mni tashkil etadi.

Iqtisodiyotning real sohasiga yo’naltirilgan kreditlarning hajmi (mlrd.so’mlarda)

2010 yil 1 aprel 2011 yil 1 aprel

Investitsiya maqsadlarida berilgan kreditlarning hajmi o’tgan yilning ushbu davriga nisbatan 37 foizga otib, joriy yilning 1 aprel kunidagi holatiga ko’ra 1 trln. 12 mlrd. so’mni tashkil qildi.

Banklarning investitsion kreditlari (mlrd.so’mlarda) 2010 yil 1 aprel 2011 yil 1 aprel

Iqtisodiy nochor korxonalarni moliyaviy sog’lomlashtirish va boshqaruv mexanizmlarini takomillashtirish, ishlab chiqarishni modernizatsiyalash, texnik va texnologik yangilash bo’yicha amalga oshirilgan choralari tijorat banklarining balanslariga o’tkazilgan 159 ta bankrot korxonadan 141 ta korxonada ishlab chiqarish faoliyatini tiklashga imkon beradi. Bunda, ularning ichidan 73 ta korxona strategik investorlarga 750,1 mlrd. so’mdan ortiq mablag’ evaziga o’tkazilgan.

Ushbu korxonalarda 21 mingdan ortiq yangi ish joylari barpo etilgan, ularning tomonidan hisobot davri mobaynida 115,4 mlrd. so’mlik, shu jumladan eksport uchun — 32 mln. AQSh dollarlik mahsulotlar ishlab chiqarilgan.

«Kichik biznes va xususiy tadbirkorlik yili» Davlat dasturining vazifalarini amalga oshirish yuzasidan keng ko’lamli choralarning natijasida, kichik biznes sub’ektlariga berilgan kreditlarning hajmi o’tgan yilning ushbu davriga nisbatan 1,4 baravar ko’payib, 866 mlrd. so’mga yetdi, shuningdek mikrokreditlarning hajmi ham 1,4 baravar ko’paygan bo’lib, 159,8 mlrd. so’mni tashkil qildi.

Kichik biznes va xususiy tadbirkorlik sub’ektlarigaajratilgan kreditlar (mlrd.so’mlarda) 2010 yil 1 aprel 2011 yil 1 aprel

Chet el kredit liniyalari hisobiga kichik biznesni kreditlash hajmi kengaytirilgan. Masalan, 2011 yilning birinchi choragida xalqaro moliyaviy institutlarning mablag’laridan 25,3 mln. AQSh dollari o’zlashtirilgan. Ushbu kreditlar hisobiga viloyatlarda 46 mingdan ortiq yangi ish joylari barpo etilgan.

Bank kapitallashuvi darajasining keyingi oshib borishi yo’li bilan resurs bazasini kengaytirish yuzasidan ko’rilgan choralar tufayli, bu sohaga xususiy kapitalning jalb etilishi bilan birgalikda, depozitlarning yildan-yilga o’sib borishining moyilligi kuzatilmoqda. Jumladan, ushbu ko’rsatkich o’tgan yilning ushbu davriga nisbatan 52,4 foizga ortib ketgan va bugungi kunda 15 trln. 213 mlrd. so’mni tashkil qiladi.

Depozitlarning qoldiqlari (mlrd.so’mlarda) 2010 yil 1 aprel 2011 yil 1 aprel

Kredit tashkilotlari depozitlarining jozibadorligini va aholining bo’sh pul mablag’larining jalb etilishini rag’batlantirishga oid choralar, shu jumladan taklif etiladigan omonatlarning har xil turlari, fuqarolarning omonatlari bo’yicha mablag’larning o’z vaqtida qaytarilishi va uning qonunchilik bilan kafolatlanishi yurtimizning bank tizimiga ishonch darajasining yanada ortishini ta’minlaydi. Chunonchi, jamg’armalarning hajmi o’tgan yilning ushbu davriga nisbatan 52,7 foizga o’sdi va 5 trln. 237 mlrd. so’mni tashkil qildi.

Aholi omonatlarining qoldiqlari (mlrd.so’mlarda) 2010 yil 1 aprel 2011 yil 1 aprel

Respublikamizda naqdsiz hisob-kitob tizimini rivojlantirish yuzasidan intensiv choralar ko’rilmoqda. Bugungi kunda muomalaga chiqarilgan plastik kartochkalarning soni, 7,9 mln. donadan ortiq, savdo va servis xizmatlari shoxobchalarida o’rnatilgan bankomatlar va terminallarning soni — 86 100 donaga yetgan.

Banklar tomonidan o’rnatilgan terminallarning soni (dona) 2010 yil 1 aprel 2011 yil 1 aprel

Shu bilan birga, yig’ilishda ko’rsatiladigan xizmatlarning turlarini kengaytirish va mijozlarning ishonchini oshirish bo’yicha mavjud ichki imkoniyatlaridan to’liq foydalanmaydigan ayrim tijorat banklarining faoliyati tanqid qilingan.

Yig’ilishda 2011 yil davomida, shu jumladan II chorak mobaynida bajarilishi lozim bo’lgan ustuvor vazifalar belgilangan.

Jumladan, tijorat banklari rahbarlariga 2011 yil uchun bank sohasida ustuvor yo’nalishlarni amalga oshirish, ya’ni bank tizimidagi keyingi islohotlar va unining barqarorligini oshirish, investitsion faoliyatini kuchaytirish, iqtisodiyotga uzoq muddatli kreditlar ulushining o’sishi, kapitallashuv darajasini oshirish, aholi va chet el investorlarining bank tizimiga ishonchini yanada mustahkamlash, shuningdek yetakchi reyting kompaniyalari qo’llaydigan me’yorlar, mezonlar va standartlarga asoslangan bank tizimi ko’rsatkichlarini baholashning zamonaviy tizimlarini joriy qilish vazifalari yuklatilgan.

Shuningdek, tijorat banklari rahbarlariga «Kichik biznes va xususiy tadbirkorlik yili» Davlat dasturi bilan belgilangan vazifalarni so’zsiz amalga oshirish, shu jumladan bank bo’linmalari va filiallarida tadbirkorlarga bank xizmatlarining keng ko’lamini taqdim etish sharoitlarini yaratish, kichik biznes va xususiy tadbirkorlik sub’ektlariga, birinchi navbatda investitsiyalar maqsadlari uchun, kreditlarni ajratish, boshlang’ich kapitalni shakllantirish, mikrokreditlashni kengaytirish ishlarini faol davom ettirish topshirilgan. Shuningdek ularning e’tibori kichik biznes va xususiy tadbirkorlikni rivojlantirishni har tomonlama qo’llab-quvvatlash ishlarining unumdorligi yuzasidan shaxsiy javobgarligiga qaratilgan.

  • Manba Bank.uz, CBU.uz
Bank haqida

O’zbekiston Respublikasi Davlat-tijorat Xalq banki hozirgi kunda mamlakatimizdagi jadal sur’atlarda rivojlanayotgan ko’ptarmoqli yirik bank sanaladi. U Respublikamiz aholisining deyarli barcha qatlamlari bilan o’zining qator xizmatlari orqali chambarchas bog’lik bo’lish bilan birga, kredit muassasalari hamda korxona va tashkilotlarning bank-moliya xizmati bozoridagi ishonchli hamkorga aylanmoqda. Ayni paytda Xalq bankining 14-ta hududiy, 184-ta tuman va shahar filiallari, 240-dan ortiq mini-bank hamda 3,5 mingdan ziyod shoxobcha va maxsus kassalari mavjud.

Axborot xizmati
(+998 71) 150-12-98
press@xb.uz